NIC-i RTI Workshop ayongzüker

Kohima, October 21 (TYO): RTI Week, 2017 dak sendakba nung Nagaland Information Commission (NIC)-i October 27, 2017 nü Administrative Training Institute, Kohima nung FAAs (First Appellate Authority), PIOs (Public Information Officer) atema Right to Information (RTI) indang State Level Workshop ka ayongzükogo.
Iba workshop tenzükba sentong nung Nagaland Chief Secretary, Pankaj Kumar, IAS-i shilem agitsü aser Chief Information Commissioner den State Information Commissioners-ia sentong nung shilem agiba den külemi shilem agirtem den shisa lemsateptsü.
Iba workshop nung adentsü atema Departments dang state level FAAs (First Appellate Authority) aser PIOs (Public Information Officer) shimtsü metetdaktsüogo.