Nicolas Cage aser Alice Kim na palaogo

June 25, 2016: Actor, Nicolas Cage-i kinüngtsü Alice Kim den palaba osang People magazine dang ashi.
Tena mapang tatsüka meimtepa aruba sülen 2004 küm kibong küma liasü.
Tena taküm January ita nungi temeim mokonga aküm. Tena mepila asübo taküm August ita nung kibong kümer küm 12 ajungba benjung amungtsü liasü.
February 2004 nung Kim Los Angeles nung aliba restaurant ka nung waitress inyaka alidang tena ajurutep, iba sülen ita ana tsüngda tena aniasüngteper kasa küm August ita  Northern California nung kibong küma liasü.
Kim aser Cage na tanur ka, arishi küm 10 jabaso, Kal-el Coppola Cage sosema lir. Cage ya mezüng model, Christina Fulton den jabaso Weston (arishi küm 25) sosema lir. Iba ya Cage tang agi asembenbuiba palar, tamalen pa Patricia Arquette aser Lisa Marie Presley na den kibong küma palaa liasü.
Cage aser Arquette na 1995 küm kibong akum saka ita 9 dang lir pala.
August 2002 nung Cage o Lisa Marie Presley den kibong aküm saka May 2004 nung palaa liasü.