Nicolas Cage-i ‘Vengeance: A Love Story’ film nung shilem agitsü

Los Angeles, February 08 (Agencies): Hollywood actor, Nicolas Cage-i nüngtugu thriller film, ‘Vengeance: A Love Story’ film nung shilem agitsü renemba osang ka Variety-i metetdaktsüogo.
Hannibal Classics film ya taruba March ita nungi tenzüka US kübok Atlanta yimti nung yanglu tenzüktsü.
John Maniewicz-i renemtsüba screenplay amshia yanglutsü renemba film nung Patricica Eberle executive producer alitsü.
Kaketzülur, Joyce Carol Oates-i 2003 küm züluba, ‘Rape: A Love Story’ otsü nung ajemdaker iba film ya yanglutsü renema lir.
Tebur telok kati tashiyim agi raksatsür tasü ta bilema rong ayudak toktsüba tetsür kati ajurushiba tatalokba dak ajemdaker iba otsü ya zülu.
Tetsürlaji kinungbo maliba arishi küm 30 shi tain tetsü ka aser lai ajurushiba lendongji lar jalai angur.
Tesülen, meimlai alidang Gulf War tongpang mongin police ketdangser kati arua tetsürlaji yarir.