Nicolas Maduro sorkar anemer nisung 75 taküm samaogo

Caracas, June 23 (Agencies): Brehostibarnü Caracas nung sorkar anema longkak aiter arishi küm 22 tain tebur ka khasetba ajanga Venezuela nung tir, Nicolas Maduro yimsüsüba arur ita asem tsüngta nung nisung 75 taküm samaogo.
Iba nisung ya Caracas yimti nung aliba Altamira tesem nung longkak aitba mapang tepset, ta public ministry ajanga Twitter nung sangdong saka kechi oset agi tepsetar tejangja shia mali.
Iba nisung ya National Guard indang züngsem ajanga khaset, ta Opposition telok nungi Jose Manuel Olivares-i ashi.
April 1 nungi tenzüka Venezuela linük tesem balala nung anogoshia amai Maduro anema nüburtem longkak aiter aser parnoki Maduro menden nungi alur election tasen agishitsü akhanger.
Iba longkak aitba ya aiben azüdokshia akümer aser nisung 1,000 dak tali yiruogo aser 3,000 dak tali pua lir, ta ketdangser kati ashi.
Linük nung chiyongtsü, mozü aser nüngdakba osettem agi anünga akümba ajanga rongsenkettsüng nung takoksa adoka lir, aser iba densa adokdaktsüba ya Maduro dak tongloktsür.
Iba timtem ya US ajanga inyaker, ta Maduro-i aitsür.