Nicolas Pepe temang tendangtsü atema London nung lir

Chiteni/July 30, 2019 (Agencies): Nicolas Pepe temang tendangtsü aser Lille nungi Arsenal-i maru tsüngda jurila tenangzüktepba tem tembanga jembishinütsü asoshi London-i arua lir.
Arsenal puri pa atema transfer fee pound million 72 Lille nem agütsütsü mulungogo.
Arishi küm 24 tain asayar ya Arsenal pur atema iba season nung asayar tasen aliba pezübuba ama sangdongtsü imlar. forward Gabriel Martinelli, midfielder Dani Ceballos, aser defender William Saliba nunger alizükba sülen tang pa anisemtsü asoshi sentong lir.
Ligue 1 nung taoba season Pepe-i goal 22 idaktsü aser pa Paris Saint-Germain nungi asayar Kylian Mbappe sülen tanabuba jenjang nung lir. Paisa assists 11 sütsü.
Mapang tatsüka tejakdang osang ajanga Arsenal pur budget-ji pound million 45 asütsü ta shia liasü, saka Pepe alizükba taa million 72 asütsü aser iba den parnoki Dani Ceballos loan nung alizük aser William Saliba £27m agi alizükba den Celtic nungi Kieran Tierney alitsü merangdar.
Kasa mapang nung Arsenal puri Zaha million 40 agi alizüktsü merangogo koba Crystal Palace puri magizük.