Nicole Kidman-i Hollywood memonungrar

September 07, 2015: Nicole Kidman-i, “Ni Hollywood taküm memonungrar, kechiba süra ni nüngtugu akümba menükshir,” ta ashi.

‘Paddington’ film nung tongti shilem agila, Kidman ya tebuba Keith Urban den Nashville-i küm tuko tejakdang ao aser iba mapang nungi lai Hollywood tsütsü khen danga meyiba mereprang. Tena jala ana sosema lir, arishi küm pezü Faith aser arishi küm tenet, Sunday.

Lai, “Ni Hollywood libaliro khenyongi memonungrar. Ni yangji shilem agiba tem mebilemtetner. Aji oda süaka ni red carpet nungbo shilem agir, iba mapang ni ajurur ajakji meteta alirtem alir aser parnokia ni meteta lir,” ta ashi.

“Nai kanga nüngtugu kümnüra ibaji otsü balaka. Saka ni asoshiba nüngtugu akümbaji khuret amai ka lir. Ni tamajunglen nungi ashir masü saka ni bilemba ashirba dang lir. Anungji ni meimba mapa nung mazüngi aliba ang ni asoshibo jangratemtsüka lir,” ta laisa ashi.

Arishi küm 48 tain, Kidman-i ashiba agi Hollywood nung la kanga sadokabo meinyak kechiba süra la ainer ka ama liasü.

Lai, “Ni Hollywood nung kanga sadema aser sadoka meinyaktet. Ni kü sasa ajungmesoasa liasü. Ni ainer ka ama ni teti bilem,” ta Telegraph magazine den interview agiba mapang ashi.

“Ni school nunga kanga nüngtugu maliasü, anungji ni bilemer ni ya nüngtugu nisüng ka masü, ni tangar den balala,” ta lai ashi.