NIDC puri Noklak nung sentong ka ayonga aka

Dimapur, Monupii/May 15 (Agencies): NIDC Ltd Dimapur puri achaayanga May 15, 2019 nü Noklak Town Hall awareness sentong ka kaogo. Iba sentong ya National SC-ST Hub Ministry of MSME Government of India kübok Industries & Commerce Department Government of Nagaland den longjemer aka. Iba sentong nung Industries & Commerce, Commissioner & Secretary Lithrongla G. Chishi, IAS alakteta tejaoker liasü.
Sentong nung o jembidang lai ashiba agi, National SC-ST Hub aser Government of india ministry of micro and medium enterprises inyakyim ya SC aser ST entrepreneurs aser entrepreneur akümtsü jangrartem nem Central aser State Government Department Agencies, Finance Institution aser credit rating agencies amala kübok schemes aser maongka agütsüba indang metetdaktsütsü asoshi sabang tajung ka lir.
Department nungi ketdangsertem aser shisalen agütsüri iba sentong akaba dak sendakba nung parnok tebilembatem lemsatep. Iba sentong nung lokti tentet balala, kaketshirtem aser Noklak district ajunga nungi SHG, GBs & DBs tem arua aden.