NIELIT Kohima-i “Advanced Cyber Forensics” training agir

Dimapur, May 11 (TYO) : May 11, 2016 nungi Tripura, Meghalaya aser Nagaland nungi NE police ketdangsertem atema “Advanced cyber forensics” training tenzükogo.

Iba training ya Department of Electronics & IT, Ministry of Communications & IT, Govt. of India-i teyari agüja NIELIT Kohima-i ayongzüka agir.

Tanü training lapokba sentong nung NIELIT Kohima Director i/c, Er. L. Lanuwabang-i okila jembi.

Iba mapang Er. L. Lanuwabang-i, NIELIT Kohima-i ozüng amertem den yaritepa NIELIT cyber forensics lab ajanga cybercrime ken o tem atema teyari agütsüba osang metetdaktsü.

ADGP, PHQs, Nagaland, Rupin Sharma IPS-ia o jembidang, NIELIT Kohima ajanga training tajung agütsüba atema pelaba metetdaktsü.

Tanü Information Technology ajanga aniba alima nung ozüng amertemi iba dak sendakba kanga junga meteta alitsüla aser ibaji ajanga ozüng alema inyakba maparen azüoktettsü, ta Rupin Sharma IPS-isa training nung adenertem ayongzük.