Nigeria nung India nunger 5 junga lir : Sushma Swaraj

New Delhi, December 18 (Agencies) : Nigeria nung rakzükraktemertemi pur aoba India nunger nisung pungu junga lir ta Hokolbarnü External Affairs Minister Sushma Swaraj-i metetdaktsü.
“December 12 nü Nigeria nung asen High Commissioner AR Ghanshyam-i Nigeria Tir den ajurutepogo. Pai India nunger nisung pungu kümzüktsü atema meranga inyakdar” ta Swaraj-i ashi.
“Nigeria nung India nunger rong nung senzür nisung pungu pur aoba osang ni angazükogo. Tzüyim nung rakzükrakatemertem den tongtepratepogo. India nungertem junga dang lir” ta laisa shisem.
Brihostibarnü Twitter nung India nunger sailor pungu pur aoba atema teyari meshiba osang ka sangdong. Parnok ya December 11 nü Warri, Nigeria nung apuba lir aser Twitter osang angashiba sülen Swaraj-i “Nigeria nung India nunger sailor pungu pur oaba indang osang tejangja ni meshiogo” ta metetdakja liasü.