Nigeria:Migrant tem aliba tesem nung bomb aika apok

Nigeria, March 23 (Agencies) : Bodhbarnep Nigeria anüdoklentip tsütsü anüdoklen aliba yimti, Maiduguri nung Boko Haram telungpur dang nungi jenshi jajar migrant tem jenoka aliba tesem ka nung taküm bendanga agütsür bomb pokloktsürtemi bomb aika pokloktsü, ta ketdangsertemi ashi.
“Parnok anenzüka aliba camp nung tapoktsü pezü tashi apok,” ta Muna camp nung co-ordinator Tijjani Lumani-I oangbenertem dang ashi. Pai, iba bomb lendong anepdang 4:30 ako meta atalok, ta ashi.
“Bomb pezü ajanga mi tulu adok aser iba camp nung aliba sü kitem aika rongdok. Tang tashi nung ano tasba aser teyiruba osang tejangja magiteti lir,” ta paisa ashi.
“Muna camp nung taküm bendanga agütsürtemi bomb kar pokloktsü. Onok iba tesem tonga lir,” ta National Emergency Management Agency nungi Ibrahim Abduljkadir-i osanggbenertem dak ashi.
Maiduguri tatembanglen aliba Muna camp ya Boko Karam dang nungi jena aoba nüburtem meyirjang jenti jenokba tesem lir.
Islam telungpurtemi 2009 küm nung Nigeria anüdoklentip tsütsü anüdoklen tsem nung tajemba agi nisung 20,000 tepsetogo aser nisung million 2.6 dak tema pei ki toktsür jenshidaktsüogo.
Boko Haram-i internally displaced people (IDPs) tem arishir aser Muna Camp nung bomb pokloktsütsü mapa aika nung meranger. Iba tesem ya atsü agi atsüdanga mali anungji nisung ajaki melamela aitetter.