NIIT-i Academia Meet ayongzüker

Dimapur, Chiteni/July 10 (TYO): New Digital Era nung maongka balala atema Team NIIT Dimapur-i Nagaland nung aliba school aser college tem nungi Principals & Managing Authorities den osangbenertem ajak Academia Meet nung adentsü jaoker, ta Bodhbarnü Head of Center, NIIT Dimapur Center, Daniel Changkiri-i sangdong ka ajanga metetdaktsü.
“Opportunities in the New Digital Era” omen nung ayongzükba Academia meet ya July 11, 2019 nikongdang 6:00 ako nungi Hotel Europa Inn, Opp. Blue Hill Bus Stand, Golaghat Road nung agitsü.
Academia Meet nung NIIT Limited, Gurgaon Vice-President-i tebilemtsü onük balala koktettsü atema jembitsü, anungji angati registration agia iba sentong nung adentsü atema tejangrartemi phone number 94360-12641 ajanga tongteprateptsü akok, ta kasa sangdong nung shia lir.