Nija hospital tem nung nurse tem tia reprangshitsüla: SC

New Delhi, January 29 (Agencies): Hokolbarnü Supreme Court (SC)-i Centre dang, linük tesem ajaklen nija hospital tem aser nija nursing home balala nung inyaker nurse temi parnok maparen nung timtem balala ajangshiba reprangshitsü atema hopta pezü tsüngda mongin committee ka tentetang, ta tuyuogo.
Justice AR Dave lenisüba nung obendanger asemi akümba bench-isa Centre dang, mongin committee-i benokba onüktem nungji ajemdaker ozüng ka yangluang, aser ibaji parnok ket nung agüjang, ta tetuyuba agütsüogo.
Nija hospital tem aser nija nursing homes nung inyaker nurse tem taküm jenjang tajungba akümtsü aser teyari balala meshia nurse tentet kati SC bench nem temepishiba agütsüba nung ajemdaker Justice Shiva Kirti Singh aser Justice Adarsh Kumar Goel na densema aliba bench-i Centre nem iba tetuyuba agütsüogo.