Nija, telok aser NGO-i mita aobaji ozüng alema: Mokokchung DC

Mokokchung, March 10 (TYO): Mokokchung Deputy Commissioner, Sushil Kumar Patel-i tetuyuba ka ajanga, nija, tentettem aser melungtet teloktemi (NGOs) mita aotsüji ozüng ajanga tashi agüja mali aser item ama mita aobaji ‘ozüng aser tashi alema lir’ ta metetdaktsü.
March 10, 2016 nü tetuyuba ajanga ashiba agi, Code of Criminal Procedure (CrPC) 1973 kübok ozüngtem nung Search Warrant meshiba sülenang police-i dang tesem ka (nija mesüra sorkar kiojen) mita aotsü akok.
Sushil Kumar Patel-isa, item ama mitba ajanga kongshirtemi (nija mesüra sorkar ketdangser) Indian Panel Code, 1896 (Criminal Trespass) kübok Section 441 nung ajemdaker ozüng ajanga item ama temzüng alema inyakertem anema teyari bushitettsü, ta metetdaktsü.