Nikhil Chandra-i Kiphire jila semdang

Kiphire, Luroi/August 07 (TYO): August 06, 2019 nü Kiphire nung Consultant Regional Center for urban & environmental studies Lucknow, Ministry of Urban Developmental, Government of India, Nikhil Chandra den shisa lemsatep sentong ka agiogo, ta ketdangsertem osang ka ajanga metetdaktsü.
Nikhil Chandra-i Kiphire semdangba ya Aspirational district of Kiphire atema asalentong renemtsü asoshi liasü. Shisa lemsatep sentong nung Medical Department densema department balalai department-i inyaka aruba osangtem metetdaktsü.
Nikhil Chandra-i district nung ketdangsertem dang area nung terenlok atema liromedema inyaktsü ayongzükba den külemi aspirational district atema senotsü kanga shisa kaa amshitsü metetdaktsü.
Paisa, ki shia nem tzü supply agütsütsü, district nung network facility tajungba akümtsü aser aluyimertem ketdangsütsü metetdaktsü.