Ninang Mochitzü Ajemba Tajangzük

Alima nung chiyungtsü tajungtiba rongnung ninang mochitzü ya ka lir ta züngshir. Anepdang shia tzü tatsük nung ninang mochitzü meyokteper ajemba ajanga nü temang nung teyari balala agütsüba den külemi tashidak aika nokanger:
Ninang mochitzü ajemba ajanga tajangzük kar:
* Tzü tatsük nung ninang mochitzü meyokteper ajemba ajanga yimra wara nungji jenbua aliba den külemi aketba aser terok mesakba ajunger.
* Ninang mochitzü ajemba ajanga nü temang nung toxins merükteter aser digestion nunga teyari agütsür. Ninang mochitsü den lemon tzü meyokteper ajemba ajanga natzü junga odaktsür.
* Ninang mochitzü nung enzymes, vitamins aser minerals aliba ajanga nü immune system tashi itdaktsür aser bacteria nungi kümzüker.
* Ninang mochitzü ajemba ajanga cholesterol level azüoker aser temelungjang tashidak balala nungi jenbua lir, iba den külemi high blood pressure ajemdaktsür.
(Source – Internet)