Nirmala-i Indo-Myanmar arrtsü semdang

Dimapur, Monupii (May) 30 (TYO): Union Defence Minister, Nirmala Sitharaman Monupii (May) 29, 2018 nü Dimapur tonga aru aser tanü lai Spear Corps Zone maneni semdang.
Tanep lai Dimapur nungi apusoa orr Indo-Myanmar arrtsülen Assam Rifles indang post tem semdanga senzü.
Iba mapang Lieutenant General Gopal R, AVSM, SM, General Officer Commanding Spear Corps-i la meiner senzü.
Nirmala Sitharaman-i forward post tem sema senzüdang idakji mapa lemzüka aliba sepaitemi mapa inyakba angu aser commander temi la nem osang metetdaktsü.
Defence Minister-i sepaitem den sendaksemdang Spear Corps-i Indo-Myanmar arrtsü kanga junga anükba atema tenük asüngba metetdaktsü.
Nirmala-isa state sorkar ketdangsertem aser tanga security agency tem nungi teshimtet nübotem den ajurutep. Laisa local lennirtem den ajurutep aser arrtsülen security mapa inyakba nung yaritepba atema pelaba metetdaktsü.
Indo-Myanmar arrtsü semdangba sülen tanü Union Defence Minister Delhi-i meyipa ogo.