Nishikori-i 4 buba Memphis Open takok marok atonga agizüker

Washington, February 15 (Agencies): Japan nunger tennis asayar mongin, Kei Nishikori-i US nunger Taylor Fritz madak final asaya nung takok ngua ATP Memphis Open takok marok yashi, Deobar nü agizükogo.
Tan asayamong nung temaba jenjang abensang, Nishikori-i yashi points 6-4, 6-4 ngua Fritz ayong ayonga tsükdaktsü.
Nishikori-i tan takok marok agizükba sülen Roger Federer, Novak Djokovic aser Rafael Nadal nunger sülen anidaka, Memphis Open asayamong takok marok 4 ben tashi atonga agizüker asayar akümer lir.
2015 US Open junior defending champion, Fritz-i mezüngsüa ATP asayamong nung shilem agir küma yaküm, 2015 küm Nottingham nung tanabuba round tonga asaya liasü.