Nishikori Paris Masters 3 buba round-i iogo

Paris, November 02 (Agencies): Japan nunger tennis asayar, Kei Nishikori-i par asaya koka, tang tasayadak ATP Paris Masters tennis asayamong tebur singles 3 buba round-i tanü, Bodbar nü iogo.
Tan asayamong nung 5 buba jenjang abener, Nishikori-i tanü points 6-2, 7-5 agi Serbia nunger Viktor Troicki par tanabuba round asaya nung tsükdaktsü.
Tan takok anguba ya Nishikori-i tennis asayatsü tenzüker tanü tashi nung ATP asaya 300 buba akoker lir.
Arishi küm 26 tain Nishikori-i France nunger Jo-Wilfried Tsonga den par 3 buba round asayatsü lemzükogo.
Belgium nunger David Goffin-ia points 7-6 (7/5), 6-3 agi France nungersa, Nicolas Mahut 2 buba round nung tsükdaktsüba sülen 3 buba round asayatsü jenjang ajangzüka liasü.