Nishikori Washington Open semifinal-i iogo

Washington, August 08 (Agencies): Japan nunger Kei Nishikori aser Craotia nunger Marin Cilic nati quarterfinal asaya takok ngua asayaba sülen tang tasayadak ATP & WTA Washington Open semifinal asayatsü jenjang yashi Hokolbar nü nguogo.
2015 US Open champion, Cilic-i points 7-5, 7-6 (7/3) ngua Germany nunger Alexander Zverev quarterfinal asaya nung tsükdaktsü.
Nishikori-ia minute 86 nung points 6-4, 6-4 ngua Australia nunger Sam Groth madak quarterfinal asaya nung takok angu.
Tetsür singles shilem nunga Australia tsür Samantha Stosur-i semifinal asayatsü jenjang nguogo.
La den quarterfinal asayala, Romania tsür Monica Niculescu-i points 0-4 ngua alidang la tepok tashitsü atua asaya tembanga shilem magitettsüsa akümba yong Stosur-i jenjang tajungba ngua semifinal nung asayatsü jenjangji angu.
Stosur-i America tsür Sloane Stephens den semifinal asayatsü lemzükogo.