Nissan Terrano tasenba India nung March 27 nü sayatsü

March 23, 2017 (Agencies): Nissan Terrano SUV yanglushir adokba India nung March 27 nü sayatsü, ta Nissan India ajanga jangjatsüogo.
Iba SUV ya linük nung company indang garitem rongnung nüngtugutiba lir. Iba gari nüngtugu akümba kuli rongnung kaji pa tanishitsü jangratemtsüka alibaji lir, saka mapang süiba den külemi gari nung temelenshi kar nüngdakbatem adoker. Terrano tasenba nung ‘mechanical configuration’ tembo kasa dang asütsü saka tema terprangtsü nung temelenshitem kar bener arutsü aser features-tem balala bendenloktsü.
Iba gari tasenba nung tejaklen terprangtsü melenshiba nung bumper tasen den külemi Daytime Running Lights (DRLs), garitsüng design tasen aser tesülen bumper tasen den LED lights keta lir.
Terrano tasenba nung temelenshi tulutibaji gari telung nung asütsü. Gari telung nung touchscreen infotainment system aser automatic climate control unit densema yanglua lir. Gari nung amenertem lendong balala nung kümzütsü asoshi ABS, EBD aser dual airbag tem keter angutsü akok.
Gari engine taoba mapang nung adokba garitem den kasa dang asütsü, koba nung 1.6-litre petrol engine koba ajanga 103 hp aser torque 145 Nm tashi agütsür mesüra 1.5-litre diesel engine tapu ana, koba nung 5-speed manual transmission den külemi 83 horsepower aser torque 200 Nm tashi agütsür aser tanabuba nung AMT transmission den 109 horsepower aser torque 248 Nm tashi agütsüba alitsü.
Iba gari tasenba sayaba sülen Nissan company Hyundai Creta aser Renault Duster nung shishilembadak tokteptsü.