Nisung 20 taküm piyong tepuokdak ayutsü:Egypt

Cairo, April 30 (Agencies) : 2012 February ita nung Port Said Stadium lendong atalokba dak sentakba nung obendang agütsüba sülen police station ka jakdang nisung taküm lalua raratepba ajanga Honibarnü Egypt nung court kati nisung 20 taküm piyong tepuokdak ayutsü obendang agütsüogo.
Port Said Criminal Court-ia nisung 12 küm 10 tepuokdak ayutsü obendang agütsüogo, ta Xinhua news agencies ajanga metetdaktsü.
Item nisung 20 ya Port Said police station jakdang iba obendangba osang metetdaktsüba sülen police ana dena nisung 42 tepsetba den nisung 150 yirutsü ken o nung aitsü.
2012 küm football asayadak tesem nung asaya tatem tsütsü mangatettep tuluka adoka  nisung aika tepsetba lendong nung, football asaya sapur parnok nisung 72 tepset aser nisung 254 yirutsü.