Nisung 32-i Sofia Vergara indang wedding dress yanglu

Los Angeles, November 24 (Agencies) : Actress Sofia Vergara-i la kiyimba sentong nung asemba wedding dress ji nisung 32-i ghonda 1,657 nung yanglu.

November 22, 2015 nü Palm Beach, Florida nung Joe Manganiello den kibong akümdang “Modern Family” actress-i designer Zuhair Murad den yaritepa yangluba wedding dress asem.

“Sofia den lai mangdang ayuba wedding dress yanglutsü atema maongka anguba atema kanga pelar. La kiyimba anogo nung ni Sofia balaka ngudaktsünüa liasü” ta Murad-i people.com dang ashi.

Iba gown nung pearls aser sequins enokba den bead enoksemba agi balaka liasü. Sofia-i wedding dress den külemi 55 carat diamond earrings enok. Lai enokba earings ji Lorraine Schwarz-i purapiteta yangluba liasü.

Sofia aser Joe na The Breakers Hotel indang Venetian ballroom nung medemer aser kinünger 400 shi sentepa lia kibong aküm.