Nisung crore 100 nem Shaandaar’ film agizükdaktsüner: Alia Bhatt

Mumbai, August 5 (Agencies) : Bodbarnü Alia Bhatt aser Shahid Kapoor nati shilem agiba ‘Shaandaar’ film indang poster sayaogo aser iba noksa ngur nisungtemi film reprangtsü kanga yongyateper.

Iba film ya Bollywood nung Rs.100 crore club nung züngsemtsü asü masü meshitet saka Alia-i iba film ya temulungjang crore 100-i idaktsüner ta metetdaktsüogo.

‘Shaandaar’ film indang poster sayaba sülen Alia-i Twitter ajanga la sapurtem den sensakdang, nisung kati la dang iba film ya 100 crore club nung züngsemtsü asü masü ta asüngdangdang lai, iba film nisung mulungjang crore 100-i idaktsüner ta langzü.

Alia aser Shahid na ‘Udta Punjab’ film nunga külemi shilem agir aser iba film nung Kareena Kapoor Khan-ia shilem agir.

‘Shaandaar’ film ya Karan Johar, Anurag Kashyap aser Vikramaditya Motwane nungertemi produce asür aser Pankaj Kapur o Sanjay Kapoor natia shilem agir.