Nisung ka 9/11 aser Paris lendong naprongla nungi kümzük

Paris, November 22 (Agencies): Tawa Islamic State (IS) kiralongrartemi Paris nung aliba Bataclan Hall nung ‘Eagles of Death Metal’ kentener telok kenten sentong alidang amakba lendong nungi America nunger ka tera agi taküm kümzük aser 2001 küm nunga kiralongrartemi New York 9/11 amakba lendong nungia pa tera agi dang jenbua liasü.
Kiralongrartemi arishi küm 36 Matthew dak injang kahloktsü saka tetsüng nungang kahshi, saka pai tasü ama sayuba ajanga lendong nungi kümzük.
“(Tasü ama sayua) Ni inch ka nungi ka, centimetre ka nungi ka ta ajuzüa ao. Mapang ka nungbo ni kimaleni aluba kishiji tekapu agi atongtsüsa angu. Ni temeyong ka nungi ka ta ibaji atong,” ta pai France osangkaket Le Monde dang ashi.
Kimalen Le Monde osangbener, Daniel Psenny den nisung ka nati pa ajuru.
“Ni tasü ama sayu. Nisung kari kü teka nung amer atsür aoba metetaka ni tereprang-a mereprang. Ni kü sasa kü melungjang nung ‘Ni na meimer, kü kotak tenyar’,” ta ashi, ta paisa shisem.
Iba aonungji Matthew aser pa kinüngtsü naprong kenten sentong jagi aotsü sentong liasü, ajisüaka iba aonungji par tanur repranger (babysitter) manguba ajanga kinüngtsübu mao.
2001 küm September 11 nü kiralongrartemi New York amakba mapang nunga pa World Trade Centre kübok gari lenmang nung liasü aser lendong nungi tera agi dang jenbu.
Pa senden ka nung adentsü aoba mapang United Airlines tayimtsü kati twin tower ka dak tsükoktsü.
“Ni Manhattan (New York nung tesem ka) tesadang kabo asema ao. Ajisüaka ni Bataclan (Paris) nung ajangshibaji 1000 ben agi tamajungba liasü,” ta paisa ashi.