Nisung pezü amenba gari rongnung tekaratibaji ‘2017 Bentley Continental Supersports’

January 08, 2017 (Agencies): 2017 Bentley Continental Supersports gari ajanga second 3.4 nung 0-100km/h tashi oteter aser iba gari indang top speed ji 209mph (336km/h) lir. Iba gari ya Bentley company-i yangluba gari rongnung tashi taittiba ta otsü yangluogo.
Bentley ajanga tan putu atema gari tajungtiba yanglutsü shia liasü aser parnoki ashiba ama gariji yangluogo.
Tema nung Carbon fiber, carbon ceramic brakes tulu, alloy wheels tepongpa aser titanium exhaust system inoka yangluba ajanga iba gari ya tanga Continental GT dang nungi tepongpapa lir.
Iba gari nung W12 motor inoka lir. Iba gari nung air cooling system tasenba, turbochargers tashi temaba aser conrods & bearings tasenba inoka lir. Bentley Continental Supersports gari engine 6-liter asüba ajanga 79bhp tashi talila agütsür aser 2009 küm yangluba Supersports model dang nungi 217Nm torque teimba agütsür.
Ano iba gari ya Power-to-weight ratio nung shilem 10 agi tajungba lir.
“Bentley gari nung Supersports ya tenüng kanga tejen lir. Supersports model mezüng 1920s nung yanglua liasü, 2009 nung Continental Supersports aser tang tasembuba lir,” ta Bentley Motors nung CEO, Wolfgang Dürheimer-i shia liasü.
Iba gari indang suspension tajungba küma yanglushia lir aser telonglen front splitter ketja lir aser fixed rear wing inokba ajanga iba gari kanga karaa jajaba mapang mopung alileni nemzüka yoker.