Nisung shibelener ket nungi tanur 3 kümzükteta lir

Rangia (Assam), December 11 (Agencies) : Rangia nung Udinana yimtaklirtemi tanur asem dena parnok nisung tenet tashi nisung shibelener asem ket nungi kümzüka lir, ta police-i ashi.
Nisung shibelener parnok nisung asem yagi tanur asem dena parnok nisung tenet Punjab-i anir aotsü osang angashia yimtaklirtemi yasüng apu, ta police-isa ashi.
Iba sülen parnoki item nisung asem ya Kamrup district kübok Rangia nung aliba police tem nem agütsü.
Nisung shibelenertemji Nagoan district nungi Raja Das, Baksa nungi Amrul Ali aser Kamrup district nungi Imdadul Ali nunger lir ta jangjaogo.
Tang item nisung asem dang asüngdangya südar, ta Police-i shiogo. Yimtaklirtemi kümzükba nisungtemji state tesem balala nungi lir.
Parnok ya Barpeta, Tripura, Dibrugarh, Tangla, Udalguri aser Rangia tesemtem nungi lir.