Nisung tanela temaleni atur

Aser tamasa aliba ama awiji alii meyiptsü, aser tanela jibo tagütsüsang Tsüngrem dangi sa meyiptsü (Sayu. 12:7).
Aser Kibuba Tsüngremi ali agi nisung yanglu, aser Pa teni nung taküm tangula apuoktsü aser nisungji akhümlir ka aküm (Lipok 2:7). Nisung ka dak tanela ka lir, aser Pa dak ajak takoksang tangula lir, aji agi parnok nem shisatsü agütsür (Yob 32:8). Mezüng nisung Adam, taküm nisung aküm (1 Korint 15:45). Nisung tanela temaleni atur (Sayu 3:21).
Aji oda tasürtem shia arubaa lir. Temangji tesamaba nung prok, mesaba nung arudaktsür, mezüngmeshiba nung prok, sentsüwangshi nung shia arudaktsü, mokokmin nung prok, ain nung shia arudaktsür, alima temang prok, tanela temang shia arudaktsür. Alima temang lira tanela temanga lir (1 Korint 15:42-44). Saka ana tsüngda nungji ni terata nung lir, kechiyong ni pilaa Khrista den linür: aji kanga agia tajungba (Filipi 1:23). Kechiyong Yisu asü aser shia aru ta asenoki amangra, ajangla Yisu nung amua aortema Tsüngremi Pa den anir aotsü (1 Tesa. 4:14).
Nenok temulung teraksa: nenoki Tsüngrem amanger, Nia amangangma, Kü Bu kidang talidak jenti lir; yamaji masü asübo, Ni nenok dang shila, kechiaser Ni nenok asoshi talidak renemi aotsü (Yohan 14:1,2).
Kibuba Yisu, Nai renemtsüba kidang alitsüsa kü tamang ulujang. Amen.