Nisung Tsüngrem-i amshir (Anitet3: 1-14)

Asenoki  ” saka” ji meteta lir. Asen tebang nungi iba o anogo shia adokba Tsüngremi angashia lir. Ibai Tsüngremi ashiba mesüra ajaba mangaba o lir. Ibai Tsüngremi agütsüba ozüng tsübuba o lir. Teyari mepiri ta langzüba o lir.Ibai Tsüngremi ajakbo meketa merepranger ta ashiba o lir. Laishiba nung ” Saka,” aser “ra” jagi meimchir tasü maitba sayur.
Ni nü sülen anidaktsü, Kibuba, saka ne sülen marudang tama ni langka inyaktsü kar. Tashi angabaji tongtipang mekümdaktsür: langka asoshi tashi angba jagi atatsüla ta iba o yagi sayur. Anungji asenoki tashi angbaji tindang masü; ibai tekirak aser meketa alonger. Kibuba lenmang nung masü saka lenmang tezüleni aor. Asenoki Kibuba tepela ataa malir; asen nüngdak nung Kibuba atadaktsür.
Chubai mulungba nung asenoki “saka” ta ashitsü menüngdak. Jilia pai ajak meteta lir. Kecha agia Kibuba süngmangdaktsütsü makok.Alu ajakji reprangogo, aser terenembaji abensaogo. Kodang Kibubai ne dang aser kü dang “Ni na yoker ” ta shidir,  pai ajak renemer ashir ta asenok amangdi aser agizükdi.
Kibuba, Ne sentong nung ni kecha mashishitsü kü tamang ulujang. Amen.