Nisung Yimya – Lipok 1: 24-31

Atangji alima nung aliba shiruru dang nungi meimchirji balaka asü ? Shiruru lima nung meimchir indang shisadangtsübaji kuli aika lir. Tanga shiruru ama pa asor, tangu sashir, achir, mejanger aser asür. Atangji alima nung aliba shiruru dang nungi meimchirji balaka asü ? Shiruru lima nung meimchir indang shisadangtsübaji kuli aika lir. Tanga shiruru ama pa asor, tangu sashir, achir, mejanger aser asür. Kechi nung balaka ? Khristan theologyji nisungji Tsüngrem mesüka yanglu ta ashir (Lipok 1:27). Shiruru yamaji masü. Teyangluba nung nisungji balaka yanglu ta sangdongbaji asenoki metettsü tenüngdaktsü. Pa Tsüngrem dang nungi teküpbokba kechiaser pa Tsüngremi yanglu, pa shiruru dang nungi temaba kechiaser pa Tsüngrem mesükba nung yanglu.Atangji asenok tetsübutsü ka aser tesüngmangtsü ka yanglu (T.Ken 139:14). Itemi shisadangang: Laishibai ashir, asenok shiruru dang nungi temaba. Süra kechiba aikati akhüm dang nungi teküpbokba nung shiruru jakla ama alir aser inyaker ? Meimchir libaliro ajak nung asenoki shibai asenok Pa mesükba nung yanglu, Pa ama alitsü merangtsüla.Sarasadem : Ne tashikang akhüm kübok ni miimang : tenükjang ama ni kümzükang.      T.Ken 17:9.Tenangzükba:  Kechiyong shibai nenok dak kongshir Pai pei nükjang nung kongshir.