NIT Agartala aser IIT Madras tsüngda MoU zülutep

Agartala, August 09 (Agencies): National Institute of Technology, Agartala (NIT Agartala) aser India nung university tajung rongnung ka, IIT Madras tsüngda memorandum of understanding (MoU) ka zülutepogo aser iba ajanga reju ana tsüngda engineer aser tesayurtem tsüngda research, academic inyakyim, training aser workshop amala sentongtem lemsateptsü.
Reju jenjang tajungba kümdaktsütsü asoshi iba reju ana tsüngda kaketshir aser tesayurtem melentepa sentong balala agitsü, ta NIT Agartala nung ketdangsertemi ashi.
NIT Agartala ya 1965 nung Tripura Engineering College tenüng agütsür tenzük saka 2006 küm National Institute of Technology (NIT) tenüng-i melen. Ministry of Human Resources Development, Government of India kübok National Institutional Ranking Framework ajanga asadanger jenjang agütsüba nung North East region nung IIT Guwahati sülen bo NIT Agartala ya tajungba lir.
Linük terenlok asoshi iba reju ana ya lungjemer inyaktsü.
Indian Institute of Technology Madras ya India nung university tajung rongnung ka lir. Iba reju ya Institute of National Importance ta Government of India ajanga recognise süa lir aser West Germany sorkar ajanga senotsü aser technical teyari balala agüja 1959 küm lapok.