NITI Aayog ajanga NGO Darpan Portal yangluogo

Dimapur, Tsüklai/Feb. 26 (TYO): Linük nung NGOs/CSOs amala lokti tentet aliba aser inyaksangshi tejangja bendentsü asoshi NITI Aayog-i NGO Darpan Portal yangluogo, aser NGO Darpan Portal nung tang NGOs/CSOs 84000 shi register süa lir, ta sangdong ka ajanga metetdaktsü.
Darpan Portal yagi ketdangsertem indang PAN & Aadhaar tejangja bendener aser lokti tentet indang PAN aser Registration Certificate tem bendener. Document balala tejangja metettsü asoshi item document ajak ya online/manual ajanga verify asür.
Grand in Aid inyakyim nung ochishia inyaktsü aser Grant balala taila nung amshiba azüoktsü mechi Government of India ajanga Central Ministries/Departments ajak dang NGO Darpan Portal indang Web Service amshia online nung NGO tem jangjatsü aser NGO Darpan Portal nung register süa maliba NGOs/CSOs/VOs tem nem teyari magütsütsü totuyuba agütsüogo.
NITI Aayog-isa State aser Union Territory tem dang NGO Darpan Portal nung Web Services tem amshia online nungi NGOs/CSOs tejangja meteta senotsü/teyari masüba lenmang nung amshiba nokdangtsü mepeshiogo saka State/UTs timbai Grand in Aid portal ya Web Services amshia NGO Darpan Portal den mesendaktepi lir, ta sangdong ka ajanga ashi.
State/UT nung teyari agütsüba Department ajungai Grand in Aid portal yanglua NGO Darpan Portal (via Web Services) den sendakteptsü mepeshir, ajiasünung dang lenmang balala nungi NGOs/CSOs temi teyari balala agiba Sorkari mita asadangtsü aser inyakyim nung ochishia inyaktettsü, ta kasa sangdong ajangasa metetdaktsü.