Nitish Kumar Union Cabinet nung meshimok: Lalu Yadav

Patna (Bihar), September 03 (Agencies): Deobarnü Rashtriya Janata Dal (RJD) tongti lenir, Lalu Yadav-i, Centre sorkari JD(U) tongti aser Bihar Chief Minister, Nitish Kumar Union Cabinet tenangzükba sentong nung adentsü atema mejaokba aitsü.
Tamalen osang ka ajanga, Union Cabinet tenangzükba agiba sentong nung adentsü atema Chief Minister Nitish-a jaoktsü mesüra pa nema Cabinet menden agütsütsü akok, ta metetdakja liasü.
Nitish Kumar tiluja Lalu-i, “Süngdong nungi tsüksang, shiongo tu tang-a telok nung meshimok,” ta ashi.
“Tenangzükba agiba sentong nunga parnok (JD(U) mejaok. Tangar sendokertembo tangaria mezüngoker. Iba ya Nitish Kumar indang tia lir,” ta Lalu Prasad-isa ashi.
Tanü Ato kilonser, Narendra Modi-i Council of ministers nungi minister pezü Cabinet jenjang nung aniok aser tasenpur parnok teku Ministers of State shimoka liasü.
Tanü Rashtrapati Bhavan nung Tir, Ram Nath Kovind-i cabinet tasenpurtemji tenangzükba agidaktsüogo.