NITTE University-i kaketshirtem ajurutsü

Dimapur, Sept. 10 (TYO): Nagaland Angh, P.B. Acharya-i achaayanga inyakba kübok NITTE University, Mangaluru nungi Vice Chancellor Prof (Dr) S.Ramananda Shetty, Registrar, Prof. Dr. M.S. Moodithaya aser Coordinator, NAMASTE Centre, NITTE, Dr. Anirban Chakraborty nungeri Sept. 11 nü St. Joseph’s College, Jakhama ketdangsertem aser kaketshirtem ajurua shisalemsateptsü aser Sept. 13 nü Phek nung College Principals aser kaketshir tentettem ajurua shisalemsateptsü, ta Camp Raj Bhavan, Kohima sangdong ka ajanga metetdaktsü.
NE state tem aser tanüngba India ajungkettsü nükjidong nung NITTE University-i NE oshitem nung ita trok certificate programme, NAMASTE Department/Chair tenzükogo. Iba ya August 12 nü Nagaland Angh, Acharya-i video conference ajanga tenzükja liasü. NITTE Education Group, Mangaluru ya 1979 küm tentet aser iba kübok NITTE, Mangaluru aser Bangaluru nung campus asem nung institutions 28 lir.