Nkwareu, New Jalukie nung ak chanu lemtsüba sentong ka agi

Dimapur, Luroi/August 30 (TYO): College of Veterinary Sciences and Animal Husbandry, Jalukie, Peren, Nagaland aser North-eastern Rural Livelihood Project (NERLP), Jalukie den longjemer ICAR-NDRI, Kalyani-ERS ajanga Nkwareu, New Jalukie, Peren District nung Luroi/August 28, 2018 nü ak chanu lemtsüba sentong ka ayongzüka aka. Iba sentong ya “Upliftment of socio-economic condition of tribal people through integrated livestock farming in North-Eastern Hill Region/Eastern part of India” nüngja agütsür NEH project kübok agiba lir.
Iba sentong nung yimtsüng pezü, Nkwareu, Samzuiram, Jalukie B aser New Jalukie nungi nisung 50 nem ak chanu 50 lemtsü. Iba sentong nung Dr. T.K. Dutta, Head, ICAR-National Diary Research Institute (NDRI), ERS Kalyani ya tetushi tejaoker liasü.
Dr. Dutta-i iba project indang jembiba mapang aluyimertem iba project ajanga ajangzükba indang tongmelang agi rasaa ashi.
Dr. (Capt.) G. Dhananjaya Rao, Dean, C.V.Sc, CAU, Jalukie-i iba sentong ketdangsüa agi aser pai College indang aser livelihood project indang telok nem angatetdaktsü. Dr. Dutta den Principal scientists; Dr. Ajoy Mandal, Dr. Anupam Chatterjee aser Dr. M. Karunakaran nungertema arua liasü.
CAU Silver Jubilee nüngtem nung College of Veterinary Sciences and Animal Husbandry, Jalukie, Peren, Nagaland ajanga kasa tesem nung Animal Health-cum vaccination camp ka katsü.
Iba Animal Health Camp ya Dr. Gunjan Das, Assoc. Professor aser Head, Veterinary Clinical Complex ajanga ketdangsüa agi aser ak chanutem lemtsüba sentong ya Dr. Uttarani Maibam, Asst. professor, Dept. of VPB aser Dr. Monosri Johari, Asst. professor, Dept. of AHE nati ketdangsüa agi.
Iba sentong nung Dr. Imtiwati, Asst. Prof. Dept. of LPM-i anir NSS unit indang P.O aser 2nd Year nungi volunteer temia shilem agia liasü.
Kisetshiruru anepalutsü asoshi aluyimer 88 tashi tenüng züluok aser iba camp nung shiruru 198 (Nashi -08, ak -54, azü -54, nabong -10 aser an -72) anepalua liasü. Kasa camp nungsa azü 50 nem Rabies indang mozü agütsü.