NLA 14 buba session atema traffic tetuyuba agütsür

Dimapur, November 19 (TYO) : November 22 nungi 24, 2016 tashi 12 buba Nagaland Legislative Assembly session alidang, security dak sendakba nung Kohima nung traffic tetuyuba kar agütsür, ta Sr. Superintendent of Police, Kohima-i sangdong ka nung metetdaktsü.
Car pass shitak alirtem dang Assembly Secretariat telungi idaktsütsü aser anepdang 6:00 ako nungi Assembly session aliba mapang (a). BSNL Telephone Exchange nungi Classic Island, (b). Raj Bhavan nungi M.S Classic Island aser (c). Razhü Point adena Classic Island nungi Assembly Secretariat lenmangtem nung garitem manendaktsütsü, ta sangdong nung shia lir.
Assembly Sessions mapang, sorkar department indang bus tem dak alaka, tanga gari tulu ajak Sanuoru subway adena High School junction nungi Assembly Secretariat tashi mesenzüdaktsütsü.
Anepdang 7:00 ako nungi Assembly sessions mapang, Kohima jila nung gari tulutem mesenzüdaktsütsü aser anepdang 7:00 ako matongdang Kohima jila nung loading & unloading tembangtsüla, ta Kohima Police-isa metetdaktsü.
Maneni, “D” Block road nung gari tulutem manendaktsütsü. Public-i item tetuyuba sülen anidaktsü imalr, aser aibelener indang garitem police-i bener aotsü aser iba taaji gari kiburtemi menoktsü, ta parnokisa ashi.