NLA Commissioner & Secretary-i sangdonger

Dimapur, Tsüklai 01 (TYO): 12buba Nagaland Legislative Assembly indang züngsem nungi anentsü asoshi Pukhayi Sumi tezüluba nung agütsüba ama India nunger linük temzüng Arrla 190 clause 3(b) den Rules of Procedure Rule 180 claus (1) (2) aser Conduct of Business in Nagaland Legislative Assembly kübok, Nagaland Legislative Assembly Speaker, Dr. Imtiwapang Aier-i Tsüklai 1, 2018 anogo agizükogo, ta Commissioner & Secretary, NLA, N. Benjamin Newmai ajanga sangdong ka nung metetdaktsü.
Pa NLA züngsem nungi anenba ajanga 34 Aghunato (ST) Assembly Constituency menden ya Aenjeti 31, 2018 anogo nungi tazüng akümer, ta Nagaland Legislative Assembly indang Speaker-i sangdong NO:AS/LEG-23/2014 ajanga metetdaktsü.