NLA-i Car Pass/Gallery Pass atema sangdonger

Dimapur, November 17 (TYO): Commissioner & Secretary, NLA, Benjamin Newmai-i tanü sangdong ka ajanga, November 22 nungi 24 nü tashi 12buba Nagaland Legislative Assembly Fourteenth Session akatsü, anungji Car Passes aser Official Gallery Passes ji November 18, 2016 nü nungi agütsütsü, ta metetdaktsüogo.
Kasa sangdong nungsa, mapang tatong nung mepetteptsü atema Car Passes aser Gallery Passes ji jelia agizükdaktsüner, ta shia lir.
Car pass aser gallery pass agizüktsü atema temetettsü:
1. Ministers/Adviser (Cabinet Status)/Parliamentary Secretaries aser AHODs-i Car Passes aser Gallery Passes ji Special Secretary (Home Department), Civil Secretariat, Nagaland, Kohima nungi agizüktsü,
2. HODs aser Media nung inyakertemi Car Passes Reception Counter Gate No-I, Nagaland Legislative Assembly Secretariat nungi agizüktsü aser
3. MLAs/PS/PA aser tanga Department temi Car Passes ji Reception Counter Gate No-II, Nagaland Legislative Assembly Secretariat nungi agizüktsüla.