NLA-i mangyim jashi lemsatper

Dimapur, Aami/June 16, 2020 (TYO): 22-Arkakong Assembly Constituency nungi taoba MLA, Sualemba, Dimapur nung June 14, 2020 nü asüba osang angashia Nagaland Legislative Assembly-i tejashi lemsateper. Pa arishi küm 78 liasü.
“Pa ya sempet tajung aliba aser bendanga agütsüba nisung ka liasü, shibai pa indang constituency aser Naga nunger ajungkettsü atema nendaka inyakogo. Pa asüba ya Naga nunger rangben aser talisa Aor atema takoksa tulu lir; aser pai toktsür aoba ongdang süngdaktsütsü asoshi tasak asütsü,” ta NLA Speaker Sharingain Longkumer-i sangdong ka nung lemsatep.
Sualemba kinungtsü, par chirnurtem aser kinungertem den NLA-i asüku lemsateper aser asür tanela nem anizüngzük agüjangma ta sarasademtsür, ta sangdong nung shia lir.