NLA-i Speaker VAC den sensak asem

Dimapur, Rongjui/September 19 (TYO): NLA Speaker, Vikho-o Yhoshü, shiba Village Adoption Committee Advisor lir, pai 14th Southern Angami Constituency committee züngsemtem den iba tesem nung yimtsüng adopt sür aliba tem terenlok asoshi lenmang asateptsü atema senden ka ayongzüka menogo. Iba senden ya Speaker kidang September 19 nü menogo.
Taoba küm yimtsüng tilatem adopt asüba sülen Speaker-i ashiba agi, “tang yimtsüng tulutem nem maongka agütsüogo aser 2019-20 atema Kigwema yimtsüng adopt süogo.” 14th Southern AC kübok yimtsüng tenet lir.
Yhoshü-isa, mapang aser rongsen ajema liaka VCA-i yimtsüngtem den longjemer inyaktettsü aser terenlok nüngdaka aliba tesemtem nung teyari agütsütetsü imlar, ta ashi. DPDB-i 2019-2020 atema sen lakh 2 agüja aliba nungi lakh 3 ajungkettsüogo. Maneni sentong balala yanglutsü asoshi committee-i yimtsüng nung ketdangsertem den ajurutepa sensak asemtsü, ta ketdangser sangdong ajanga metetdaktsü.