NLA senden amenba osang

Kohima, Luroi/August 09 (TYO): Nagaland Legislative Assembly pezübuba session anogo asemnü tashi agia aruba sülen Brihostibarnü Speaker, Vikho-o Yhoshu-i senden tembangogo.
NLA senden nung tang mezüng MLA aser ruling NDPP nungi Sharingain Longkumer Deputy Speaker shima liasü aser kanga tongtibang bill ana – The Nagaland Protection of Interests of Depositors (in Financial Establishments) (Amendment) Bill 2018 aser Amity University Nagaland Act 2011 (Repeal) Bill 2019 na agizük.
Senden nungsa sorkar rules & regulations asem- Nagaland Prize Chits and Money Circulation Schemes (Banning) Rules, 2017, Pharmacy Practice Regulation 2015 aser Nagaland State Mineral Development Corporation Limited benoka liasü.
Senden nung opposition MLA temi tasüngdangba 43 asüngdang aser tezüluba nung telangzüba meshia tasüngdangba 14 asüngdanga liasü.
Parnokisa Register of Indigenous Inhabitants of Nagaland den Inner Line Permit aser Assam sorkari Nagaland-i Assam-Nagaland arrtsülen ali atsünga agir, ta tai tongloktsüba onüktem nung o lemtep.
NDPP nungi Speaker aser Deputy Speaker dak alia tang Nagaland Assembly nung NDPP züngsem 19, BJP 12 aser Independent MLA ka (PDA) lir aser opposition Naga People’s Front (NPF) züngsem 26 lir.