NLA session atema traffic ozüng melenshir

Dimapur, July 20 (TYO) : July 21 nungi 27, 2015 tashi 12 buba Nagaland Legislative Assembly atema session tugububa agitsü aliba atema iba mapang Kohima nung anepdang 6:00 ako nungi traffic tetuyuba tasen amshitsü, ta Joseph Hesso, NPS, Sr. Superintendent of Police Kohima-i sangdong ka ajanga metetdaktsüogo.
Iba mapang Assembly Secretariat ajanga agütsüba car pass aliba garitem dang Assembly Secretariat telungi aitdaktsütsü.
Tsünglanglen agüja aliba tesemtem nung anepdang 6:00 ako nungi gari anena mayutsü tuyur.
a. Telephone Exchange nungi Classic Island.
b.Raj Bhavan nungi Assembly Secretariat.
c.Razhu Police Point nungi Phoolbari (D Block)
Item tetuyuba sülen public-i anidaktsü ta imlar aser aibelenba garitem police-i atsür aotsü aser iba asoshi kibur dang nungi atsür aoba taa meshitsü, ta Sr. Superintendent of Police-i sangdong nungsa shia lir.