NLA Speaker-i Cong-NPF loktepba agizüker

Kohima, November 22 (TYO): Nagaland nung Congress MLA 8-i Naga People’s Front (NPF) nung adenba osang metetdaktsüba sülen anogo ka lir Nagaland Legislative Assembly Speaker, Chotisuh Sazo-i parnok ajak NPF Legislature Party nung züngsemtem ta agizükba osang metetdaktsüogo.
Speaker Chotisuh Sazo-i S I Jamir aser tanüngba Congress MLA 7 indang temepishiba shidi agizükogo aser parnok ajak NPF Legislature Party nung züngsemtem lir sangoktsü, ta NLA Commissioner & Secretary, N Benjamin Newmai-i tanü sangdong ka nung metetdaktsü.
Taküm September 4 nü K Therie-i S I Jamir aser tanga Congress MLA tem state Assembly nungi anendaktsütsü atema petition agütsüba Speaker-i agienogo, ta Newmai-isa metetdaktsü.