NLA Speaker-i Jayalalitha mang ayimer

Dimapur, December 7 (TYO) : Nagaland Legislative Assembly Speaker, Chotisuh Sazo-i sangdong ka nung Tamil Nadu Chief Minister, Jayalalitha asüba atema asüku lemsatepba metetdaktsü.
“December 5, 2016 nü Tamil Nadu Chief Minister Jayalalitha kanga dang ajungbena asüba osang angashia temulung raksar. La ya kanga dang tasütait tetsür ka liasü aser lai shisa kaa yimsüsüba atema nisung aikati la kanga ketasena liasü. Küm 30 jungnüa lai mapa tajung inyakba ajanga linük nung nisung million aika taküm nung teyari agütsüogo” ta Chotisuh Sazo-i sangdong nung shia lir.
“La asübaji Tamil Nadu state atema dang masü saka linük ajunga atema takoksa tulu lir. Nagaland Legislative Assembly züngsemtem aser kü tenüng nung, ni tasür kibong den asüku lemsateper aser la tanüla anisüngzük ngudakjangma” ta NLA Speaker-isa sangdong nung metetdaktsü.