NLA Speaker-i senden amentsü ayonger

Dimapur, July 29 (TYO): NLA Speaker aser Joint Legislators’ Forum on Naga Political Issue indang Convenor Vikho-o Yhoshu-i Nagaland MLA tem aser MP tem ajak den senden ka amentsü ayongzükogo.
Sendenji August 9, 2019 anepdang 10:00 ako nungi Assembly Secretariat indang Conference Hall nung amentsü.
Ano, Parliamentarians and Ex-Parliamentarians Association tentettsü atema 13 buba Nagaland Legislative Assembly züngsemtem aser Lok Sabha o Rajya Sabha züngsemtem külem senden ka amentsü, ta Speaker-ia ashi.
Iba senden nung Nagaland nung MLA aser MP ajak adentsü mepishir, ta paisa shisem.