NLA Speaker-i state sorkari inyakba osang lemsatep

Dimapur, April 22 (TYO): April 21, 2020 nü Lok Sabha Speaker, Om Birla-i linük nung Speaker ajak den video conference ka agiba nungi Nagaland Legislative Assembly, Sharingain Longkumer-ia shilem agia liasü.
Iba video conference ya COVID-19 wara dak sendakba nung ayonga agi aser Sharingain Longkumer-i Chief Minister Neiphiu Rio lenisüba kübok Nagaland sorkari COVID-19 azüoktsü atema mapa inyakba osangtem lemsatep.
Lok Sabha Speaker-ia Nagaland state sorkari mapa tajung inyakba atema tenüngsang agütsü.