NLA speaker Sazo-i anir ketdangsertemi Himachal Pradesh semdang

Kohima, June 27 (TYO) : Nagaland Legislative Assembly (NLA) speaker Chotisuh Sazo den Commissioner & Secretary, Additional Secretary aser tanga technical staff temi June 26 & 27, 2016 anogotem Shimla, Himachal Pradesh semdang.
Sazo-i anir ketdangsertemji eVidhan (Legislative Assembly nung Electronic application amshiba) inyakyim tejangjaba nung metettsü atema Shimla-i ao.
Himachal Pradesh ketdangsertemi parnok ajak pelashishia agizük aser parnok State Guest ama anepalua liasü.
Iba mapang Sazo-i HP speaker Brij Behari Lal Butail den ajurutepa eVidhan indang inyakyim atema sensaksem aser iba sülen Technical Team ajanga eVidhan inyakyim sayu.
eVidhan technology ajanga osangtsüdang dang masü saka temzüng aser inyakyimtem, assembly agiba osang, tasüngdangbatem langzüba amala ajak metetdaktsür. eVidhan ajanga züngsemtem aser department ajak tongteprateptsü akok aser iba ajanga paper & tanga materials nung sen endokba ajema kümdaktsür.
eVidhan ajangasa MLA tem pa/lar constituency aser department balala ajak sendakteper. Iba ajanga pei constituency nung terenlok mapa inyakbatem mita reprangteter.
Nagaland nung Speaker-i anir aoba telokisa e-Facilities semdang. Iba nung technical help desk, e-constituency, video conferencing, computerised typing work, email, House digital video clip, training centre, data based centre, electronic assistance booth amala lir.
2014 küm Speaker Sazo-i Nagaland Legislative Assembly digitize asütsü atema Union Minister Ravi Shankar Prasad aser Communication & Information Technology Ministry nem detailed project proposal ka agüja lir.