NLA Speaker, Yhoshü-i Alder Retreat lapoktsüogo

Kohima, Yimpoksüi/November 06 (Agencies): Mewibogei, Kohima Forest Colony nung Yimpoksüi/November 05, 2018 nü Nagaland Legislative Assembly Speaker, Vikho-o Yhoshü-i kanga dang nüngdaka aliba recreational centre – Alder Retreat lapoktsüogo.
Iba recreational centre tesem nung children park, swimming pool, health walk aser lodging facility tem lir. Iba den külemi Alder Retreat nung aliba restaurant ji anüngdang 11: 00 ako nungi tenzüka aonung 8:00 ako tashi lapoktsü.
Iba sentong nung o jembiba mapang, Yhoshü-i, Nagaland state ya alinük tepor tajung aser ali temo agi moatsüba tesem lir. Ajisüaka, asenoki pa sasa anguba rongsentem khen khen dang ketdang sütetter aser item rongsen lenmang agi melentsür, aser kasa mapang tesem tebur tajung ka kümtsür.
Mapang kar nung jila nung mepetmesü aser meinprongba ola nungi kija, kibong, ainertem aser medemeretem pila oagi anisüngzüka aser yimjung nung kazütsü atema Kohima telungtet nung retreat centre mesüra park tem maliba indang sasa lemsatepba mapang, Alder Retreat nung Kevi aser Nini den külemi par tanurtemi sen indokba atema Yhoshü-i pelaba metetdakja liasü.
Kohima ya kanga dang kara ainba yimti aser recreational centre ka nüngdakba ajiteta, iba recreational centre ya lapoktsü, ta Alder Retreat proprieter Keviyachii Liegise-i ashi.