NLA Special Session atema traffic tetuyuba agütsür

Dimapur, August 24 (TYO) : August 26, 2016 nü 12 buba Nagaland Legislative Assembly special session agitsü aliba atema Kohima Police-i traffic tetuyuba kar agütsüogo.
Sr. Superintendent of Police, Kohima, Nagaland-i sangdong ka nung tetuyuba kar agütsü aser public-i item tetuyuba sülen anidaktsü imlar, ta paisa metetdaktsü.
Tsünglanglen agüja aliba tetuyuba sülen manidakertem indang garitem atsür aotsü aser iba taaji gari kiburtemi menoktsü, ta Sr. Superintendent of Police-isa metetdaktsü.
1. Car pass shitak alirtem dang Assembly Secretariat telungi idaktsütsü.
2. August 26, 2016 anepdang 6:00 ako nungi agüja aliba lenmang nung garitem anena meyudaktsütsü.
(a)  BSNL Telephone Exchange nungi Classic Island.
(b)  Raj Bhavan nungi Classic Island.
(c)  Razhü Point adena Classic Island nungi Assembly Secretariat.
3. Assembly Session mapang sorkar meyong departmental bus tem dak alaka Sanuora adena High School junction nungi Assembly Secretariat tashi gari tulutem mesenzüdaktsütsü.
4. Anepdang 7:00 ako nungi Assembly Session metembang tashi Kohima jila nung gari tulutem mesenzüdaktsütsü. Kohima jila nung loading & unloading ajak anapedang 7:00 matongdang inyaktsüla.
5. “D” Block road nung gari tulutem manendaktsütsü.