NLA züngsemtem dang metetdaktsür

Kohima, Aenjeti (January) 24 (TYO): Tanü Commissioner & Secretary, N. Benjamin Newmai-i sangdong ka ajanga 12buba Nagaland Legislative Assembly züngsemtem dang Secretariat Transport Branch nungi ‘Clearance Certificate’ agizüktsü atema telatetba kar metetdaktsüogo.
Telatetbatemji: 1) Condemned vehicle (Reserved Price I Depreciated Value) indang allotment order den külemi Treasury Challan agütsütsü, mesüra official gari meyipa agütsütsü. MLA ajaki parnok indang condemned vehicles indang allotment order ji Aenjeti (January) 30 nungi tenzüka office mapang nung Assembly Secretariat indang Transport Branch nungi agizüktsü mepishia metetdaktsür.
2) Medical advance aser advance TAIDA magütsüi aliba ajak agütsütsüla.
3) Legislators’ Home nung takdang lemzükja aliba züngsemtemi pei takdang ajak azüngteta jabi/sabi ji meyipa agütsütsüla.
4) Assembly Library nung kaket agia alir züngsemtemi kaket meyipa agütsütsüla, aser
5) Tsüklai (Feb) 2 anogo nungi tenzüka iba Sectretariat nungi Clearance Certificate agütsütsü, ta paisa metetdaktsüogo.