NLFT-i IPFT yarira Tripura nung lendong adoktsü

Agartala, November 16 (Agencies): Tripura Chief Minister Manik Sarkar-i tawa tu Indigenous Party of Tripura(IPFT) anema o jembi.
2018 assembly elections nung NLFT-i IPFT party den longjemtsü akok aser ibaji state atema lendong asütsü, ta pai ashi.
Tripura CM aser Communist Party lennir Manik Sarkar-isa ashiba agi, telok anaji loktepra Tripura state atema lendong asütsü. Küm 20 tashi Tripura nung kiralongraba mapa inyaka aruba sülen yimjung bener aru, saka telungpurtemi yimten telok ka den yaritepra, state nung lendong ataloktsü, ta Sarkar-i metetdaktsü.
Paisa Centre sorkar dang Bangladesh nung jenoka aliba telungpurtem anema mapa inyaktsü atema tayongzükba agütsü. a
“NLFT-i mepishiba sülen, Centre-i asemben tashi parnok den olemtepogo aser Tripura sorkar-a dendaktsüogo. Ajisüaka, tesüiba ita ishika tsüngda, terenlok kecha mali” ta Sarkar-isa ashi.